१ करोड ४३ लाख भष्टाचार गरेको अख्तियारको ठहर, विशेष अदालतमा मुद्धा

काठमाडौं,पुस ,२५,  अख्तियार दुरुपयोग अनुसन्धान आयोगले यातायात व्यवस्था विभागका तत्कालिन महानिर्देशक चन्द्रमान श्रेष्ठले पदमा बहाल रहँदा १ करोड ३४ लाख ५ सय ७६ रुपैयाँ भष्टाचार गरेको ठहर गरेको छ ।

बुधबार अख्तियारका सहप्रवक्ता मदन कोइरालाले जारी गरेको विज्ञप्तिमा हाल वन तथा वातावरण मन्त्रालयको सहसचिव रहेका श्रेष्ठको आय व्ययको विस्तृत विश्लेषण गर्दा गैरकानुनी रुपमा आर्जन गरिएको उल्लेख छ ।

आजै विशेष अदालत काठमाडौंमा उनीविरुद्ध मुद्धा दायर गरिएको छ ।  श्रेष्ठले जागिर सुरु गरेदेखि हालसम्म २ करोड १० लाख ७७ हजार ४ चार रूपैयाँ आर्जन गरेकोमा उनको परिवारका सदस्यहरूको चल अचल सम्पत्ति सिर्जना एवं सवारी खरिद, शेयर लगानी, शिक्षा, विदेश भ्रमण, बैङ्क मौज्दात लगायतका शीर्षकहरुमा समेत गरी ३ करोड ४४ लाख ७७ हजार ५ सय ८० रुपैयाँ खर्च गरेको देखिँदा १ करोड ३४ लाख ५ सय ७६ रुपैयाँ बराबरको सम्पत्तिको स्रोत नखुलेको सम्पति पाइएको अख्तियारले जनाएको छ ।

सो सम्पतिको स्रोत पुष्टि गर्न नसकेबाट गैरकानूनी रुपमा सम्पत्ति आर्जन गरी साविक भ्रष्टाचार निवारण ऐन, २०१७ को दफा १५ एवं प्रचलित भ्रष्टाचार निवारण ऐन, २०५९ को दफा २० को उपदफा (१) बमोजिमको कसुर गरेको देखिन आएकोले चन्द्रमान श्रेष्ठ उपर विगो एक करोड चौतीस लाख पाँचसय छयहत्तर रुपैयाँ छयहत्तर पैसा कायम गरी कानुन बमोजिक गैरकानुनी रुपमा आर्जन गरेको सम्पत्ति जफत समेत गरी पाउन मागदावी लिइ विशेष अदालत काठमाडौँमा आरोपपत्र दायर गरिएको अख्तियार सहप्रवक्ता कोइरालाले जनाएका छन् ।

Related News