आइतवार, असार २२, २०८२
काठमाडौं, माघ १ःपरराष्ट्रमन्त्री प्रदीपकुमार ज्ञवाली तीनदिने भारत भ्रमणको सिलसिलामा आज त्यसतर्फ प्रस्थान गर्ने भएका छन् । उनी जनवरी १६ मा भारत भ्रमण सकेर स्वदेश फर्कने छन् ।
परराष्ट्रमन्त्री ज्ञवाली नेपाल–भारत संयुक्त आयोगको छैटौँ बैठकमा सहभागी हुन भारत जान लागेका हुन् ।
बैठकमा नेपाल–भारत सम्बन्धका सम्पूर्ण आयमहरूमा छलफल गरिने परराष्ट्रले जनाएको छ । बैठकमा व्यापार, वाणिज्य, पारवाहन, ऊर्जा, सीमा, कोभिड–१९ सहयोग, पूर्वाधार, कनेक्टीभिटी, लगानी, कृषि, पर्यटन, संस्कृतिलगायतका विषयहरूमा छलफल हुनेछ ।
