बिहिबार, असार १९, २०८२
काठमाडौँ : २०४२ सालमा चोरी भएर अमेरिकाको टेक्सस पुर्याइएको लक्ष्मी नारायण (वासुदेव कमलाजा)को मूर्तिलाई पहिलेकै मन्दिरमा प्रतिस्थापन गरिएको छ ।
शनिबार ललितपुरको पट्को टोलमा बाजागाजा र पूजाअर्चनासहित मन्दिरमा मुर्ति प्रतिस्थापन गरिएको हो । गएको चैत्र अन्तिम साता लक्ष्मी नारायणको मूर्ति अमेरिकाबाट नेपाल फर्काइएको थियो भने त्यसलगतै अमेरिकी दूतावासले मूर्ति नेपाल सरकारलाई हस्तान्तरण गरेको थियो ।
मूर्ति अमेरिकाको डल्लास म्युजियममा प्रदर्शनमा रहेको पाइएपछि नेपाल फर्काउन पहल गरिएको थियो । यसैबीच शनिबार मुर्ति प्रतिस्थापनपछि काठमाडौँस्थित अमेरिकी राजदूत र्याण्डी बेरीले सो मुर्ति प्रतिस्थापन हुँदा खुशी लागेको बताएका छन् ।
