काभ्रेको चौरीदेउराली गाउँपालिकाले पालिकाभित्रका विद्यालयहरु संचालन गर्न दिने भएको छ ।

को रो ना भाइरस सं क्र म ण दर बढेसंगै सरकारले देशैभरका विद्यालय बन्द गर्न आग्रह गरेपनि चौरीदेउराली गाउँपालिकाले भने विद्यालय बन्द नगर्ने भएको हो ।

पालिकाले आज एक सूचना जारी गर्दै वैकल्पिक विधिबाट सिकाई सहजीकरण प्रभावकारि नदेखिएकोले भौतिक रुपमा नै पठनपाठन गराउन विद्यालयहरुलाई पालिकाले आग्रह गरेको हो ।

स्वास्थ्य सूरक्षाका मापदण्ड पालना गर्दै अर्काे सूचना जारी नभएसम्मका लागि विद्यालय संचालन गरिने प्रमुख प्रशासकिय अधिकृत महानदास लामाद्धारा हस्ताक्षरित सूचनामा भनिएको छ ।

शिक्षा विज्ञान तथा प्रविधि मन्त्रालयले वैकल्पिक माध्यमबाट पठनपाठन गराउन आग्रह गर्दै माघ १५ गते सम्म सम्पूर्ण विद्यालय बन्द गर्ने निर्णय गरेको थियो । चौरीदेउराली गाउँपालिकामा अहिले को रो ना सं क्र मि त हुनेको संख्या शून्य रहेको छ ।