मङ्लबार, असार १७, २०८२
म्यादी प्रहरी भर्नाका लागी जिल्ला प्रहरी कार्यालय काभ्रेमा आवेदन संकलन कार्य जारी रहदा भिड बढेको छ ।
भर्ना खुलेको तेश्रो दिन आज पनि जिल्ला प्रहरी कार्यालय परिसरमा दरखास्त दिनेहरुको भिड लागेको थियो । आज ५ सय ८९ जनाले म्यादी प्रहरीका लागी आवेदन दिएका जिल्ला प्रहरी कार्यालय काभ्रेका डिएसपी हरि खतिवडाले जानकारी दिए ।
खतिवडाका अनुसार आज १ सय ९३ जना महिला र ३ सय ९६ जना पुरुष गरी ५ सय ८९ जनाले आवेदन दिएका छन्। म्यादी प्रहरीका लागि काभ्रेमा आजसम्म १ हजार ६४८ जनाले आवेदन दिइसकेका छन्।
जसमा महिलाको संख्या ४६० रहेको छ भने पुरुष १ हजार १८८ जना रहेका छन्। म्यादी प्रहरीमा भर्नाका लागि आगामी चैत ११ गतेसम्म आवेदन दिन सकिनेछ। स्थानीय तहको निर्वाचनको लागि काभ्रेमा १ हजार ४९५ म्यादी प्रहरी माग गरिएको जिल्ला प्रहरी कार्यालय काभ्रेले जनाएको छ।
