काभ्रे :- बनेपा नगरपालिकामा रहेकाे विद्या सागर अङ्ग्रेजी माध्यमिक विद्यालयमा शनिबार हजुरबा हजुरआमा दिवस सम्पन्न भएकाे छ ।

बृद्धावस्थाकाे ख्याल गर्दै हजुरबा हजुरआमाकाे सम्मान स्वरुप यस कार्यक्रमकाे आयाेजना गरिएकाे हाे । कार्यक्रममा सयाैँकाे सङ्ख्यामा हजुरबा हजुरआामाहरूकाे उपस्थिति रहेकाे थियाे ।

कार्यक्रममा विद्यार्थी भाइबहिनीहरूले पुराना गीत , नृत्यका साथै नाटक प्रस्तुत गरेका थिए । कार्यक्रमपश्चात बुढेसकालका अनेकाैँ पीडालाई भुलेर कालजयी गीतहरूमा नाच्दै हजुरबा हजुरआामाहरूले मनाेरञ्जन लिनुभएकाे थियाे ।

बालबालिहरूलाई शिक्षासँगै संस्कार र व्यावहारिकपन सिकाउन यस कार्यक्रमलाई निरन्तरता दिइएकाे विद्यालयका इ .सि .ए इन्चार्ज नरेन्द्र प्रधानले जानकारी दिनुभयाे ।