सोमवार, भदौ ८, २०८३
काभ्रेपलाञ्चोक । नेकपा एस काभ्रेकी नेतृ कल्पना श्रेष्ठले परिवारसहित पार्टी छाडेकी छन् ।
फेसबुकमा स्टाटस लेख्दै उनले पार्टी सोचेको भन्दा फरक पाएकोले आजैबाट आफूसहित परिवारका अन्य सदस्यले पार्टी परित्याग गरेको उल्लेख गरेकी छन् ।
कल्पना २०७४ को स्थानीय तह निर्वाचनमा एमालेको तर्फबाट भुम्लु गाउँपालिका उपाध्यक्ष निर्वाचित भएकी थिइन् । २०७८ को पार्टी विभाजनमा उनले नेकपा एसमा सनाखत गरेकी थिइन् ।
परिवारका सदस्य शान्ता श्रेष्ठ, मुना श्रेष्ठ, सीतादेवी श्रेष्ठ, लक्ष्मीभक्त श्रेष्ठ, सनिस श्रेष्ठ, विवेश श्रेष्ठ, राजेन्द्रकुमार श्रेष्ठ र रामगोपाल श्रेष्ठले पनि आफूसँगै पार्टी परित्याग गरेको उनले लेखेकी छन् ।
