मङ्लबार, असार १७, २०८२
एमाले काभ्रेको १० औँ जिल्ला अधिवेशन अन्तर्गत आज बन्दसत्र हुँदैछ ।
बिहान साढे ८ बजेबाट बन्दसत्र सुरु हुने बताइएको छ । दिउँसो १ बजेसम्म बन्दसत्र चल्ने छ ।
त्यसपछि मात्रै निर्वाचनको प्रक्रिया अघि बढ्ने । बन्दसत्रले सर्वसम्मत नेतृत्व चयन गर्ने सम्भवना निकै कम देखिन्छ । प्रतिनिधिहरुले कि त सबै पदमा सर्वसम्मत नभए सबै पदमा निर्वाचन गर्न नेतृत्व माथि दबाब सिर्जना गरेको बताइएको छ ।
केही पदमा सर्वसम्मत र केहिमा निर्वाचन गर्दा सन्देश नराम्रो जाने प्रतिनिधिहरुको बुझाइ छ । बन्दसत्र धुलिखेल नगरपालिकाको नवनिर्मित सभाहलमा हुनेछ ।
एमाले काभ्रेले १० औँ जिल्ला अधिवेशन धुलिखेल स्थित रंगशालामा हिजो उदघाटन गरेको थियो । जिल्ला अधिवेशनको उदघाटन पार्टी अध्यक्ष एवं पूर्वप्रधान मन्त्री केपी शर्मा ओलीले गर्नुभएको थियो ।
