शनिबार, भदौ ६, २०८३
चितवनमा अज्ञात समूहले धारिलो हतियार प्रहार गर्दा कांग्रेस कार्यकर्ता हत्या भएको छ । आइतबार साँझ अज्ञात समूहले धारिलो हतियार प्रयोग गरी भरतपुर १२ मिलनचोकका अनिल परियारको हत्या गरेको हो । कांग्रेसका स्थानीय नेताका अनुसार उनी कांग्रेसको भ्रातृ संगठनको बागमती प्रदेश सदस्य थिए ।
निर्वाचनका बेला भएको उनको हत्या सुनियोजित रहेको भन्दै चितवनका कांग्रेस नेता–कार्यकर्ता बिहानैबाट विरोधमा उत्रिएका छन् । परियारको शव राखिएको भरतपुर अस्पतालमा कांग्रेस–नेता कार्यकर्ता भेला भएका छन् ।
चितवन जिल्ला प्रहरी कार्यालयका डीएसपी नरहरी अधिकारीका अनुसार आइतबार साँझ साढे ७ बजेतिर धारिलो हतियार प्रयोग गरी उनको हत्या भएको हो । घटनामा संलग्न समूहको पहिचान हुन सकेको छैन ।
स्थानीय कृष्णपुरको फुटबल मैदाननजिकै हतियार प्रहारबाट गम्भीर घाइते भएका उनलाई भरतपुर मेडिकल कलेज पुर्याइए पनि चिकित्सकले मृत घोषणा गरेका हुन् ।
