मङ्लबार, असार १७, २०८२
काठमाडौं । नयाँ वर्ष २०८१ को अवसरमा शुभकामना सन्देश दिँदै पूर्वराजा ज्ञानेन्द्र शाहले पूर्वराजा शाहले जनताको सुख समृद्धिमा सुधार नहुनु चिन्ताको विषय भएको बताएका छन्।
नेपालको हालसालको इतिहासमा विधि, व्यवस्था, शब्द र रुप जति बदलिए पनि गुणसार तथा अर्थमा कुनै गुणात्मक परिवर्तन हुन नसकेको पूर्व राजा शाहाको भनाई छ ।
देशको युवा शक्ति पलायन हुँदै जानु गम्भीर विषय भएको उनको भनाइ छ। देशको बौद्धिक समाज उदासीन हुँदै जानु र होनहार युवा जनशक्ति पलायन हुँदै जानु, राष्ट्रको उत्थानका निम्ति गम्भीर जोखिमपूर्ण विषय हो। शिक्षा, स्वास्थ्य, इलम, उद्यम, उत्पादन, लगानी, व्यापार, व्यवसाय र रोजगारीको ब्यवस्था खस्किँदै जानु आजको विडम्बना भएको उनले बताएका छन् ।
निश्चित गन्तव्य र गतिमा अडान राख्न नसक्ने अस्थिर अवस्थाले आफ्नै आशा आकांक्षा र भरोसा खल्बलिँदै गएको र यसको बारे समयमै सोचौं सबै मिलौँ, कसैले कसैलाई निषेध नगरौँ र सही चिन्तनको माध्यमबाट निष्कर्षमा पुगौँ शाहाको भनाई छ ।
