मङ्लबार, असार १७, २०८२
काठमाडौं । सरकारले आगामी आर्थिक वर्षका लागि साढे १९ खर्ब हाराहारीको बजेट बनाउँदै छ ।
राष्ट्रिय योजना आयोगका उपाध्यक्षको संयोजकत्वमा हुने राष्ट्रिय स्रोत अनुमान समितिले आगामी आर्थिक वर्षको बजेटका लागि १८ खर्बको बजेट सिलिङ तोकिदिए पनि त्यसभन्दा ठूलो आकारको बजेटको तयारी अर्थ मन्त्रालयले गरिरहेको हो ।
मध्यकालीन खर्च संरचनाले आगामी आर्थिक वर्षको बजेट १९ खर्ब ४९ अर्ब ५० करोडको हुनुपर्ने उल्लेख गरेको छ ।बजेटको आकार बढे पनि त्यसले विकासमा भने खासै योगदान गर्न नसक्ने अवस्था देखिएको छ ।
यससँगै, जाजरकोट भूकम्प प्रभावितका क्षेत्रको पुनर्निर्माण लागि पनि सरकारले यो वर्षबाट बजेट विनियोजन शुरु गर्नुपर्ने अवस्था छ ।
स्रोत समितिले बजेट निर्माणका लागि यसअघि १८ खर्बको ‘सिलिङ’ प्रदान गरेको थियो । त्यसमध्ये राजस्वले १२ खर्ब ४५ अर्ब रुपैयाँको योगदान गर्ने अनुमान समितिको थियो । यसमा थप ५० अर्ब राजस्व बढाउन सकिने अनुमान अर्थ मन्त्रालयले गरेको छ ।
