आइतवार, भदौ २३, २०८१
बनेपा, २५ कात्तिक। काभ्रेको बनेपामा रहेको एक फर्निचर उद्योगमा आगलागी भएको छ । गएराती अबेर बनेपा नगरपालिका वडा नंवर ७ शुभकामना चलचित्र मन्दिर नजिकै रहेको हरिहरपुर फर्निचरमा आगो लागेको हो । राती ११ बजेतेरि सुरु भएको आगो बिहानपखमात्रै नियन्त्रणमा आएको थियो ।
आगलागीबाट फर्निचर पूर्णरुपमा नष्ट भएको प्रहरीले जनाएको छ । आगलागीबाट फर्निचर नजिकै रहेको घरमा समेत क्षति पुगेको छ । आगलागीबाट कति रकम बराबरको क्षति भयो भन्ने यकिन भइसकेको छैन । भक्तपुरबाट आएको दमकल र प्रहरीको प्रयासमा आगो नियन्त्रणमा आएको थियो ।
काभ्रेमा बर्सेनी आगलागीका घटना भइरहे पनि जिल्लामा एउटा पनि दमकल नहुँदा भक्तपुर र काठमाडौंका दमकलको भर पर्नुपर्ने हुन्छ । जसका कारण आगलागीबाट बढी क्षति हुने गरेको स्थानीयबासीले बताएका छन् ।
-मेचीकाली बाट
