सबैको समाचार
बिहिबार, कार्तिक ६, २०७७
  • होमपेज
  • लिसंखु पाखर गाउँपालिकामा कोरोना संक्रमित थपिए, सेवा सबै बन्द

लिसंखु पाखर गाउँपालिकामा कोरोना संक्रमित थपिए, सेवा सबै बन्द

लिसंखु पाखर गाउँपालिकामा कोरोना संक्रमित थपिए, सेवा सबै बन्द

सिन्धुपाल्चोक, १५ असोजः सिन्धुपाल्चोक जिल्लाको लिसंखु पाखर गाउँपालिकामा कोरोना संक्रमितको संख्या थपिएको छ । २४ जनाको स्वाब संकलन गरिएको मध्ये ७ जनामा कोरोना संक्रमण पुष्टि भएको गाउँपालिकाले जनाएको छ ।

यसअघि पालिका वडा नम्बर ४ अत्तरपुर स्वास्थ्य चौकीका एक कर्मचारीमा कोरोना संक्रमण पुष्टिभएपछि कन्ट्याक्ट ट्रेसिङ मार्फत २४ जनाको स्वाब संकलन गरिएको थियो । संक्रमितको संख्या बढेसँगै पालिकाले आफ्नो सबै सेवा बन्द गर्ने निर्णय गरेको छ ।

पालिकाका प्रमुख प्रशासकीय अधिकृत पूर्णप्रसाद दुलालले बिहीबार एक सूचना जारी गर्दै असोज २२ गतेसम्म सबै सेवा बन्द रहेको जनाउनुभएको हो । जारी सूचना अनुसार पालिकाभित्रका ७ वाटै वडा कार्यालय, अत्तरपुर स्वास्थ्य चौकी, गाउँपालिकाको कार्यालय बन्द भएका हुन् ।

पालिकाले भर्चुअल विधिबाट सञ्चालन भइरहेका पठनपाठन बाहेक अन्य सबै शिक्षण सिकाई क्रियाकलाप समेत बन्द गर्न आग्रह गरेको छ । उपचारका लागि स्वास्थ्य चौकी जानु परेपनि स्वास्थ्य सुरक्षाका मापदण्ड पूर्ण रुपमा पालना गरे जान पालिकाले आग्रह गरेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका