आइतवार, अशोज २०, २०८१
काभ्रे जिल्लाको धुलिखेलमा स्त्री रोग तथा सामान्य स्वास्थ्य परिक्षण शिविर सम्पन्न भएको छ ।
धुलिखेल नगरपालिका वडा नं १ स्थित देवीटार स्वास्थ्य चौकीमा आज आयोजित शिविरमा झण्डै सय जनाले सेवा लिएको धुलिखेल नगरपालिका स्वास्थ्य शाखा प्रमुख सन्दिप के.सी.ले जानकारी दिए ।
उनका अनुसार उक्त शिविरमा वडाका ९७ जनाले स्वास्थ्य सेवा प्राप्त गरेका छन् ।
स्वास्थ्य शाखा प्रमुख के.सी.ले सहयोगी संस्थालाई आभार सहित शिविरमा खटिएका सम्पुर्ण स्वास्थ्यकर्मी तथा जनप्रतिनिधिहरुमा धन्यवाद ज्ञापन गरेका छन् ।
