शनिबार, अशोज १९, २०८१
काभ्रे : नेकपा एमाले काभ्रेको निर्वाचन भोली हुने भएको छ ।
उपाध्यक्ष,सचिव,उपसचिव,सदस्य भूगोल,खुल्ला महिला,जनजाति,दलित,अल्पसंख्यक र खुला सदस्य पदका लागि भोली विहान ७ बजेदेखि मतदान हुने एमाले काभ्रेले जनाएको छ ।
भोली हुने निर्वाचनमा उपाध्यक्ष पदका लागि ३ जनाले उम्मेरदवारी दर्ता गराएका छन् । त्यस्तै सचिवमा तीन जनाको उम्मेरदवारी परेको छ ।
जसमा ईन्द्र तामाङ,राजन भुर्तेल र रुद्र बहादुर तामाङले उम्मेरदवारी दिएका छन् । उपसचिवमा ६ जना,सदस्य भूगोल १ खुल्लामा ४० जना,महिला पदका लागि ९ जनाले उम्मेरदवारी दिएका छन् ।
सदस्य भूगोल २ खुल्ला मा ४० जनाले उम्मेरदवारी दिएका छन् । महिलामा १० जनाको उम्मेरदवारी परेको छ ।
जनजाति खुल्ला तर्फबाट ७ जनाको उम्मेरदवारी परेको छ । जनजाति महिलाबाट २ जना,दलित खुल्ला तर्फबाट १६ जना,दलित महिलाबाट ६ जनाको उम्मेरदवारी छ ।
खुल्ला क्षेत्रबाट ७० जना,अल्पसंख्यक खुल्लाबाट ४ जना र महिलाबाट २ जनाको उम्मेरदवारी परेको छ ।
त्यस्तै खुल्ला महिला सदस्यबाट २६ जनाले उम्मेवारी दिएका छन् । भोली हुने निर्वाचनमा प्रतिनिधीले विद्युतिय भोटिङ मेसिनबाट मतदान गर्नेछन् ।
