सोल । अहिले जेल सजाय काटिरहेका दक्षिण कोरियाका पूर्व राष्ट्रपति युन सुक येओलकी श्रीमती पनि पक्राउ परेकी छिन् ।

शेयर बजारमा चलखेल गरेको अनि घुसखोरीको आरोपमा प्रथम महिला किम केओन हिलाई पक्राउ गरिएको हो । मंगलबार अदालतमा भनेको चार घण्टा लामो सुनवाइमा किमले भने आफूमाथिको सबै आरोप अस्वीकार गरेकी छिन् ।

अदालतले भने प्रमाण नष्ट गर्न सक्ने जोखिमलाई उद्धृत गर्दै पूर्व प्रथम महिलाको नाममा पक्राउ पुर्जी जारी गरेको छ । दक्षिण कोरियामा पूर्व राष्ट्रपतिमाथि अभियोग लाग्ने र जेल पर्ने गरेको लामो इतिहास छ ।

तर पूर्व राष्ट्रपति र प्रथम महिलालाई दुबैलाई जेल हालिएको चाँहि यो पहिलो पटक हो । गएको वर्षको अन्त्यतिर सैन्य शासन लागू गर्ने असफल प्रयासपछि दक्षिण कोरिया संवैधानिक सङ्कटमा फसेको थियो । यही घटना नै यून बर्खास्त हुनुको कारण बन्यो । त्यसपछि युन जनवरीमा समातिए ।

किमले दक्षिण कोरियामा बीएमडब्ल्यूएको एउटा डिलर दोयच मोटर्सको शेयर मूल्यमा चलखेल गरेर ८० करोड येन कमाएको अभियोजनकर्ताहरूको भनाइ छ ।

यो घटना युन दक्षिण कोरियाको राष्ट्रपति चयन हुनु भन्दा अघिको घटना हो । यही घटनाले उनको राष्ट्रपति काललाई छायामा पारेको थियो । किमले विवादास्पद युनिफिकेशन चर्चबाट दुई वटा च्यानल ब्याग र हिराको हार पनि घुस लिएकी थिइन् ।