भुपेन्द्र आचार्य
आइपीओपछि अव एफपीओ भनेर लगानीकर्ताहरुको पैसा बटुल्ने नयाँ रणनीतिलाई स्टक एक्सचेन्जले मान्यता दिएपछि सबै बैंक, संस्थाहरु एफपीओ जारी गर्ने होडबाजीमा लागेका छन् । यसरी कहिलेसम्म ब्रम्हलूट गर्ने दिने ? शेयर बजार विज्ञहरु एफपीओलाई ब्रम्हलूट गर्ने अवसर भनेर आलोचना गरिरहेका छन् ।
पछिल्लो पटक नेपाल लाइफले ल्याएको एफपीओको अरवौं रुपैयाँ उसले ५ प्रतिशत व्याजमा अरु बैंकहरुलाई दिएर महिनौंदेखि चलाइरहेको छ । एकातिर मुनाफा कमाउने, अर्कोतिर लगानीकर्तालाई घाटामाथि घाटामा पार्ने कामले एफपीओ ब्रम्हलूट बन्न पुगेको हो ।
संस्थापक समूहको हिस्सा घटाएर सर्वसाधारणको बढाउने नाममा एफपीओको बजार गर्माएको छ । कम्पनीहरु यति बाठा छन् कि अड्कली–अड्कली एफपीओ निष्कासन गर्न प्रवृत्त भइरहेका छन् । नियामक नेपाल धितोपत्र बोर्ड एफपीओको बाडी रोक्न अहिल्यै सचेत नहुने हो भने यसले भविष्यमा ठूलै संकट निम्त्याउने निश्चित छ भन्छन् सेयर र अर्थविदहरु ।
तिनीहरुको सुझाव छ– यसबाहेक बोर्डले तत्काल एउटा कम्पनीलाई एकपटक भन्दा बढी एफपीओ ल्याउन नदिने निर्देशन जारी गरिहाल्न आवश्यक छ । एक पटक एफपीओ ल्याउने, त्यसकै नाममा करोडौं रुपैयाँ सर्वसाधारणबाट असुल्ने अनि त्यति नै बेला दोस्रो बजारमा पनि सेयर भाउ उचाल्ने गलत प्रवृत्ति देखिन थालेको छ ।
तैपनि स्टक एक्सचेन्ज तिनै मुनाफाखोर र लगानीकर्ताको शोषणको साक्षी बनेर उभिएको छ । राजतिलक साप्ताहिक