नेपाल पत्रकार महासङ्घ, रासस प्रतिष्ठान शाखाको सातौँ अधिवेशनले नारायणप्रसाद घिमिरेको अध्यक्षतामा ११ सदस्यीय नयाँ कार्यसमिति निर्विरोध चयन गरेको छ ।
शाखाका उपाध्यक्षमा दिलीपप्रसाद शर्मा, महिला उपाध्यक्षमा मोहिनी मिश्र, सचिव पवित्रा गुरागाईं, सहसचिव अच्युत रेग्मी, समावेशी सहसचिव अभिलासा पोखरेल, कोषाध्यक्ष नारायणप्रसाद न्यौपाने, सदस्यहरु श्याम रिमाल, रोशा बस्नेत, शर्मिला पाठक र दिलीप अधिकारी चयन भएका छन् ।
शाखाको केन्द्रीय पार्षद्मा विष्णु नेपाल, प्रकाश सिलवाल र वासुदेव पौडेल तथा प्रदेश पार्षद्मा कृष्ण अधिकारी, एकराज पाठक, सूर्यचन्द्र बस्नेत र कृष्णप्रसाद सापकोटा चयन भएका छन् ।
यसरी निर्विरोध चयन भएकालाई निर्वाचन समितिका संयोजक राजाराम कार्कीले प्रमाणपत्र तथा महासङ्घका केन्द्रीय सदस्यद्वय माधव दुलाल र शीतलप्रसाद महतो, शाखाका निवर्तमान अध्यक्ष विष्णुप्रसाद नेपालले बधाई दिनुभयो । रासस