नेपाली काँग्रेसका नेता गणेश लामाले अक्सिजन सहितको सिलिण्डर प्रदान गर्नुभएको छ । नेता लामाले रोशी गाउँपालिकाको खहरेपाँगु स्थित अस्थायी कोभिड अस्पताललाई अक्सिजन सहितको सिलिण्डर प्रदान गर्नुभएको हो ।

पालिकाका प्रमुख प्रशासकीय अधिकृत डम्बरू दाहालका अनुसार नेता लामाले खहरेपाँगुको अस्थायी कोभिड अस्पताललाई ३ थान अक्सिजन सिडिन्डर आज प्रदान गर्नुभएको हो । यो अक्सिजन एम्बुलेन्समा राखेर विरामीलाई थप उपचारका लागि अन्य ठाउँमा लैजान र भकुण्डे स्थित पालिकाको आईसोलेसन सेन्टरसम्म ल्याउन मद्दत पुग्ने प्रमुख प्रशासकीय अधिकृत दाहालले बताउनुभयो ।

रोशी गाउँपालिकाले नमोबुद्ध नगरपालिकासँग मिलेर भकुण्डेमा आईसोलेसन सञ्चालनमा ल्याएको छ । यो आईसोलेसनमा सानो ठूलो गरी ४० वटा अक्सिजन छन् । तर खहरेपाँगु अस्थायी कोभिड अस्पतालमा भने अक्सिजन पर्याप्त थिएन् ।

नेता लामाले आवश्यकता अनुसार अन्य स्वास्थ्य सामग्री पनि उपलब्ध गराउने बताउनुभएको छ । ‘यो संकटको बेला जसले जति सकिन्छ, त्यत्ति सहयोग गर्नुपर्छ, नेता लामाले भन्नुभयो ‘परिस्थिति हेरेर अन्य स्वास्थ्य सामग्री पनि उपलब्ध गराउने छु ।’