बुधबार, असार १८, २०८२
काभ्रेमा आज १७३ जना कोरोना संक्रमित थपिए छन् ।
पछिल्लो २४ घण्टामा ५४४ जनामा परिक्षण गर्दा १७३ जनामा कोरोना संक्रमित पुष्टि भएको हो ।
योसंगै काभ्रेमा सक्रिय संक्रमितको संख्या ७९२ पुगेको छ । जिल्लाको धुलिखेल र बनेपा नगरपालिका सबैभन्दा उच्च जोखिममा देखिएका छन् ।
सक्रिय संक्रमित मध्यै सबैभन्दा बढी धुलिखेलमा २७६ जना र बनेपा नगरपालिकामा २४१ जना सक्रिय संक्रमित छन् । पनौती नगरपालिकामा ९७ जना, नमोबुद्ध नगरपालिकामा ५७ जना, पाँचखाल नगरपालिकामा ३२ जना र मण्डनदेउपुर नगरपालिकामा २८जना सक्रिय संक्रमित छन् ।
त्यस्तै चौँरदिेउरालीमा २७ जना रोशी गाउँपालिकामा ६ जना,भुम्लुमा १४,तेमालमा ३, महाभारतमा ६ जना र बेथानचोकमा ५ जना सक्रिय संक्रमित रहेका स्वास्थ्य कार्यालय काभ्रेका वरिष्ठ स्वास्थ्य प्रमुख पुरुषोत्तमराज सेढाईँले जानकारी दिए ।
यस्तै पछिल्लो २४ घण्टामा काभ्रेमा ४जना संक्रमित निको भएका छन् ।
यसैबीच काभ्रेमा दुई लाख ११ हजार ९९६ जनाले पहिलो मात्रा खोप लगाएका छन् । यस्तै दुई लाख दुई हजार २११ जनाले दोस्रो मात्रा खोप लगाएका स्वास्थ्य कार्यालय काभ्रेले जनाएको छ । काभ्रेका तीन हजार दुई सय ८३ जनाले बुस्टर डोज खोप लगाएका स्वास्थ्य प्रमुख सेढाईँले जानकारी दिए ।
