भूकम्पपछिको पुनःनिर्माणका क्रममा पुरातात्विक महत्व कम हुदै गएको अवस्थामा पाटन दरबार स्क्वार क्षेत्रको ६० प्रतिशत काठका कलात्मक भागलाई पुनःप्रयोग गरी पुर्नःनिर्माण गरिने भएको छ ।
नेपाला आएको महा भूकम्पका कारण क्षतविक्षेत भएका स्मारकका महत्वपूर्ण भागलाई पुरानै अवस्थामा पुर्नःनिर्माण गर्नको लागि पुरानै काठमो प्रयोग गर्न लागिएको हो ।
सम्पदाको पुनःनिर्माण गर्दा पुरानो स्वरुप बिग्रन नदिन प्रयोग हुनेसम्म र गर्न मिल्नेसम्मका पुरानै र प्रयोग गर्ने गरी नयाँ सामग्रीको प्रयोग हुने बताइएको छ ।
इँटा, काठ, झिङ्गटीलगायतको सामग्रीहरुलाई पुनःप्रयोग गर्न सकिने पाटन स्मारक संरक्षण तथा दरवार हेरचाह कार्यालयले जानकारी दिएको छ ।
झ्याल, ढोका, छानालगायतमा प्रयोग भएका काठलगायतका सामग्रीहरु पुरानै प्रयोग गर्न सकिने अवस्थामा रहेको स्मारक भत्कँदा कतिपय भाग फुटेर बिग्रिएका छन ती चिजलाई सङ्ग्रहालयमा संरक्षण गरेर राखिने कार्यालयका प्रमुख काजी प्याकुरेलले प्याकुरेलले बताए ।
ललितपुर संरक्षित स्मारक क्षेत्रअन्तर्गतका सम्पदाको पुनःनिर्माणको काम तीव्र गतिमा अघि बढिरहेको छ । आगामी पाँच वर्षमा काम पूरा गर्ने गरेर काम अघि बढेको हो ।
विश्व सम्पदा सूचीमा समेत सूचीकृत यस क्षेत्रका कतिपय स्मारक पूर्ण क्षति र कतिपय आंशिक क्षति भएका थिए ।