शनिबार, बैशाख ८, २०८१
२४ कात्तिक, पोखरा । राष्ट्रिय प्रजातन्त्र पार्टीले कास्कीमा प्रदेश सभातर्फ कांग्रेसलाई नसघाउने भएको छ । राप्रपा केन्द्रले १ सय ४५ स्थानमा आफ्नो पार्टीले दिएको उम्मेद्वारी फिर्ता लिएर कांग्रेसलाई सघाउने निर्णय गरेपनि राप्रपा कास्कीले प्रदेश सभातर्फ कांग्रेसलाई नसघाउने घोषणा गरेको हो ।
राप्रपा कास्कीले प्रतिनीधिसभामा कांग्रेसलाई समर्थन जनाउँदै उम्मेदवारी दर्ता गरेको छैन भने प्रदेशसभामा ५ क्षेत्रमा उम्मेदवारी दर्ता गराएको छ । राप्रपाले कास्की १ को प्रदेश क्षेत्र नम्बर १, कास्की २ को प्रदेश क्षेत्र नम्बर १ र २ तथा कास्की ३ को प्रदेश क्षेत्र नम्बर १ र २ मा उम्मेदवारी दिएको हो ।
कांग्रेसले कास्कीमा प्रदेशसभातर्फ ३ वटा क्षेत्र राप्रपालाई दिने सहमति भएपनि पालना नगरेको उसको आरोप छ ।राप्रपा कास्कीले प्रदेश सभातर्फ कास्की १ को प्रदेश क्षेत्र नम्बर १ मा देउबहादुर गुरुङ ‘”ुव’, कास्की २ को प्रदेश क्षेत्र नम्बर २ को १ मा विष्णु खड्का कार्की र २ मा विष्णु बहादुर खत्री, कास्की ३ को प्रदेश क्षेत्र नम्बर १ मा धनुमाया कोइराला र २ मा केदारनाथ पौडेललाई प्रत्यक्षतर्फको उम्मेदवार बनाएको छ ।
-अनलाईन खबर बाट
