बुधबार, मंसिर २६, २०८१
माघ १५ ,भकुण्डेबेशी÷भकुण्डेबेशी जेसिज र भकुण्डेबेशी जुनियर जेसिजको छैठौं पदस्थापना कार्यक्रम सम्पन्न भएको छ । भकुण्डेबेशीमा आयोजना गरिएको पदस्थापना कार्यक्रमको उद्घाटन नमोबुद्ध नगरपालिकाका मेयर टिपी शर्मा तिमल्सिनाले गरेका थिए । उद्घाटन गर्दै मेयर शर्माले भकुण्डेबेशी जेसिजको लागि नगरको तर्फवाट जेसिज सचिवालय भवन निर्माणको लागि जग्गा उपलब्ध गराउने प्रतिबद्धता व्यक्त गरेका छन् ।
कार्यक्रममा बर्ष २०१७ का अध्यक्ष कपिल कोईरालाले बर्ष २०१८ का अध्यक्ष रुक्मणी सिग्देललाई अध्यक्षिय माला तथा पद हस्तान्तरण गरेका थिए । त्यस्तै भकुण्डेबेशी जुनियर जेसिज बर्ष २०१७ का अध्यक्ष मिना श्रेष्ठले बर्ष २०१८ का अध्यक्ष विनिता अधिकारीलाई अध्यक्षिय माला तथा पद हस्तान्तरण गरेका थिए ।
कार्यक्रममा बर्ष २०१७ का अध्यक्ष कपिल कोइराला, बर्ष २०१८ का अध्यक्ष रुक्मणी सिग्देल, र जेसिज बर्ष २०१७ का अध्यक्ष मिना श्रेष्ठ, बर्ष २०१८ का अध्यक्ष विनिता अधिकारी लगायतले जेसिज अभियान बारे मन्तब्य राखेका थिए । कार्यक्रममा भकुण्डेबेशी जेसिजले नन्दिकेशर तिमल्सिनाको स्मृतिमास्थापना गरेको पुरस्कार यस पटक देखि नमोबुद्ध नगरपालिका भित्र १८–४० उमेर समुहले सञ्चालन गरेको उद्यमशिलताको कदर गर्दैै उत्कृष्ठ युवा उद्यमीलाई समेत सम्मान गरिएको थियो ।
कार्यक्रमका प्रमुख अतिथि नमोबुद्ध नगरका मेयर टिपी शर्मा तिमल्सिनाले युवा उद्यामी अशोक भुजेललाई दोसल्ला, सम्मानपत्र र नगद बाट सम्मान गरे । भुजेल पन्चकन्या पशुपालन तथा कृषी फार्मका सञ्चालक हुन । कार्यक्रममा भकुण्डेबेशी जेसिज बर्ष २०१७ का कार्यकारी उपाध्यक्ष श्रीकृष्ण अधिकारी र २०१७ का उपाध्यक्ष श्रीहरी अधिकारीले समेत मन्तब्य राखेका थिए ।
बक्तृत्वकला प्रतियोगितामा जनककी सन्जु प्रथम
भकुण्डेबेशी÷भकुण्डेबेशी जेसिजको पदस्थापना कार्यक्रमको अवसरमा नमोवुद्ध नगर भित्रका अन्तर मावि बक्तृत्वकला कार्यक्रम आयोजना गरिएको छ । ‘बातावरणमैत्री नमोबुद्ध नगर निर्माणमा अवसर र चुनौती’ विषयक बक्ृत्वकलामा जनक मावि की छात्रा सन्जु सुन्दास प्रंथम भएकी छिन् । त्यस्तै द्वितीय लक्ष्मीनारायण मा बि कि पूजा पाण्डे र तृतीय जनहित मा बि कि सुजता खनाल छन् ।
प्रथमलाई नगद ३ हजार सहित प्रमाणपत्र, द्धितियलाई नगद २ हजार सहित प्रमाणपत्र र तृतिय हुनेलाई १ हजार नगद सहित प्रमाणपत्र प्रदान गरिएको थियो । कार्यक्रममा विजयी तथा सहभागिहरुलाई कार्यक्रमका प्रमुख अतिथि नमोबुद्ध नगरका मेयर टिपी शर्मा तिमल्सिनाले नगद तथा प्रमाणपत्र वितरण गरेका थिए । बक्तृत्वकलामा सहभागिहरुको जज चैतन्य क्याम्पसका प्राध्यापक भोला केसी र उपप्राध्यापक सेमन्त भण्डारीले गरेका थिए ।
-काभ्रे सन्देश साप्ताहिक बाट
