शुक्रबार, बैशाख ७, २०८१
धुलिखेल, २९ साउनः विश्यब्यापी महामारीको रुप लिइरहेको कोरोना भाइरस काभ्रेमा समुदाय स्तरमा प्रवेश गरेको छ । दुई वटा राष्ट्रिय राजमार्गले छोएको जिल्लामा लामो समयसम्म संक्रमितको संख्या स्थित थियो ।
तर लकडाउन खुकुलो भएसँगै स्रोत बिनाको संक्रमण समुदाय स्तरमा देखिन थालेको हो । लकडाउन खुकुलो भएपछि जिल्लामा कोरोना संक्रमण नियन्त्रण गर्न ठोस कार्य योजना पनि बनेको छैन् । जसको कारण संक्रमितको संख्या दिनदिनै बढि रहेको छ ।
काभ्रेमा हालसम्म संक्रमितको संख्या ६२ पुगेको छ । जसमा २० जना प्रहरी, २ जना स्वास्थ्यकर्मी भने एकजना जनप्रतिनिधि रहेका छन् । त्यस्तै २२ जना बैदेशिक रोजगारबाट फर्किएका र १८ जना अन्य सर्वसाधरण रहेका छन् ।
लकडाउन सुरु भएपछि विभिन्न पेसा, ब्यवसाय गर्ने सबै आफ्नो थकथलो गएका थिए । खुकुलो भएसँगै उनीहरु पुनः पहिलेकै पेसा ब्यवसायमा फर्किएका छन् । उनीहरुको कुनै पनि स्वास्थ्य परीक्षण गरिएको छ । घरबेटीले पनि स्वास्थ्य सुरक्षाको मापदण्ड पालना नगरेको पाइएको छ ।
तराई तथा धेरै संक्रमित भएको जिल्लाबाट आएका उनीहरु बिना स्वास्थ्य परीक्षण निर्वाध रुपमा पेसा ब्यवसाय सञ्चालन गरिरहेका छन् । उनीहरु मार्फत गाउँसम्म कोरोना भाइरस पुग्न सजिलो भएको छ । स्थानीय तहरुले उचित सावधानी अपनाउन आफ्ना नागरिकलाई भनेको छैनन् ।
