शुक्रबार, भदौ २६, २०८३
धुलिखेल, ३ जेठ: उद्योग वाणिज्य संघ काभ्रेले केहिदिन बनेपाका सबै पसल ब्यवसाय बन्द गर्न आग्रह गरेको छ । संघका अध्यक्ष राजेन्द्र पसछे र महासचिव रविन्द्र बैदारलामे संयुक्त विज्ञप्ति जारी गर्दै केहि पसल ब्यवसाय बन्द गरेर कोरोना भाईरसको चेेन ब्रेेक गर्न आग्रह गर्नुभएको हो ।
कोरोना संक्रमणको ‘हटस्पोट’ बनेको बनेपामा भोलीदेखि नगरपालिकाले शिल गर्ने निर्णय गरेको छ । बनेपा राजधानी पूर्वका जिल्लाहरुको मुख्य ब्यापारिक केन्द्र पनि हो । सक्रिय कोरोना संक्रमितको संख्याले १ हजार भेटाउनै लाग्दा नगरपालिकाले जेठ १२ गते मध्यरात आफ्नो क्षेत्रमा पुरै शिल गर्ने निर्णय गरेको छ ।
उद्योग वाणिज्य संघले नगरपालिकाको निर्णय सबै ब्यवसायहरूले पालना गरी कोरोना संक्रमणबाट आफुलाई र अरू पनि जोगाउन आग्रह गरेको छ । नगरपालिकाले भने बमोजिम खाद्यान्न, तरकारी, फलफूल, दुग्ध पसल पूर्ण रुपमा बन्द गरी सहयोग गर्न संघले ब्यवसायीहरूलाई आग्रह गरेको हो ।
बनेपामा कोरोना संक्रमितको संख्या ह्वात्तै बढेपछि जनजीवन प्रभावित बनेको छ । शिर मेमोरियल अस्पताल सहित बनेपामा रहेका सबै अस्पताल बिरामीले भरिएका छन् । गम्भीर बिरामीले समेत अस्पतालमा बेड नपाउने अबस्था सिर्जना भएको छ ।
