काभ्रे : जिल्ला प्रशासन कार्यालय काभ्रेले कोरोना भाईरसको उपचार, रोकथाम तथा नियन्त्रणका लागि आफु खुशी रकम संकलन गर्नेलाई कारवाही गर्ने चेतावनी दिएको छ । आज सहायक प्रमुख जिल्ला अधिकारी अमर दिप सुनुवारले एक सूचना जारी गर्दै आफुखुसी पैसा नउठाउन आग्रह गर्नुभएको हो ।

कुनै पनि संस्था, समूह वा संगठनले कोरोना भाईरसको नाममा आफु खुशी पैसा उठाउन नपाईने भन्दै त्यस्ता कार्य कसैले गरेको पाईए कारबाही हुने बताइएको छ ।प्रशासन कार्यालयले ब्यक्तिगत रुपमा सहयोग गर्न चाहानेलाई  नेपाल सरकारले  सिंहदरबार स्थित राष्ट्रिय वाणिज्य बैंकमा स्थापना गरेको कोरोना भाईरस संक्रमण रोकथाम, नियन्त्रण तथा उपचार कोषको खातामा जम्मा गर्न पनि भनेको छ ।