काभ्रे : काभ्रे जिल्लाको नमोबुद्ध नगरपालिकामा नेपाली कँंग्रेसको अधिवेशनबाट वडा र नगरमा निर्वाचित पदाधिकारीहरुलाई पद हस्तारन्तरण गरिएको छ । नमोबुद्ध नगर कार्यसमिति काभ्रेले नवनिर्वाचित क्षेत्रीय प्रतिनिधि,वडाका पदाधिकारीहरु, सदस्यहरुलाई आज एक कार्यक्रमकाबिच सम्मान गरेको हो ।

नेपाली काँग्रेसको १४ औँ महाधिवेशन अन्तर्गत असोज ५ मा भएको नमोबुद्ध नगर वडा अधिवेशन र असोज ९ गते भएको नगर अधिवेशनबाट निर्वाचित पदाधिकारीलाई बधाई तथा शुभकामना प्रमाण पत्र वितरण र पद हस्तान्तरण गरेको काँग्रेस नमोबुद्ध नगर सचिव महेन्द्र थिङले जानकारी दिए ।

हर्षजित लामा लामाको प्रमुख आतिथ्यतामा भएको कार्यक्रमका विशिष्ट अतिथि क्षेत्रीय सभापति रमेश हुमागाई रहेका थिए । कार्यक्रममा नगर भित्रका जेष्ठ नागरिकहरुलाई सम्मान पनि गरिएको सचिव थिङले जानकारी दिए ।

कार्यक्रममा झण्डै एक दर्जन नेता कार्यकर्ता नेकपा माओवादी केन्द्र परि त्याग गरि नेपाली काँग्रेसमा प्रवेश गरेका छन् । माओवादी परित्याग गर्नेमा डाप्साङ वाइबा, एकदास लामा, राम लामा, संगीता लामा, जित बहादुर लामा,हिरा लामा, सम्झना लामा, अनिल लामा, संगीता वाइबा,बिर बहादुर लामा र बिशाल लामा रहेका छन् ।

सचिव महेन्द्र थिङले संचालन गरेको कार्यक्रममा अतिथिहरु काँग्रेस जिल्ला सदस्य दिनेश भुर्तेल, सुर्य लामा, कविराज श्रेष्ठ,सन्त लामा लगायत रहेका थिए ।