काभ्रे जिल्लामा दुई चरणमा मतदाता नामावली सङ्कलन हुने भएको छ । मंसिर १७ गतेदेखि दुई चरणमा मतदाता नामावली संकलन हुने भएको हो ।

जिल्ला निर्वाचन कार्यालय काभ्रेका अनुसार पहिलो चरणमा मंंसिर १७ गतेदेखि २६ गतेसम्म र दोस्रो चरणमा मंसिर २८ गतेदेखि पुस १० गतेसम्म पालिकाको कार्यालयमा मतदाता नामावली संकलन हुने छ ।

निर्वाचन कार्यालय काभ्रेका प्रमुख उमेश कुमार राईका अनुसार पहिलो चरणमा बनेपा नगरपालिका, पनौती नगरपालिका, पाँचखाल नगरपालिका, बेथानचोक गाउँपालिका, खानीखोला गाउँपालिका र रोशी गाउँपालिकामा मतदाता नामावली संकलनको काम हुनेछ ।

त्यस्तै दोस्रो चरणमा भुम्लु गाउँपालिका, चाँैरीदेउराली गाउँपालिका, तेमाल गाउँपालिका, महाभारत गाउँपालिका, मण्डनदेउपुर नगरपालिका र नमोबुद्ध नगरपालिकामा मतदाता नामावली संकलनको काम हुने निर्वाचन अधिकृत राईले जानकारी दिए ।

सबै पालिकामा १०÷१० दिन मतदाता नामावली संकलन हुनेछ । धुलिखेल नगरपालिकामा भने छुट्टै केन्द्र बनाएर मतदाता नामावली संकलन हुने छैन । जिल्ला प्रशासन कार्यालय र जिल्ला निर्वाचन कार्यालय पनि धुलिखेल नगरपालिकाभित्रै रहेका छुट्टै केन्द्र नराखिएको हो ।

राजनीतिक दलका प्रतिनिधिहरुले वडा स्तरमै पुगेर नामावली संकलन गर्न आग्रह गरेका थिए । तर केन्द्रबाटै पालिकामा केन्द्र बनाएर नामावली संकलन गर्ने निर्णय भएकाले वडा वडामा पुगेर संकलन गर्ने सुझाव राम्रो हुँदा हुँदै पनि गर्न नसकिएको निर्वाचन अधिकृत राईको भनाई छ ।