आइतवार, अशोज २०, २०८१
नेपाल पत्रकार महासंघ काभ्रे शाखाले आफ्नो स्थापना दिवसको अवसरमा पूर्व अध्यक्ष र सहयोगीलाई सम्मान गरेको छ ।
आज २९ औं स्थापना दिवसको अवसर पारेर हालसम्मका अध्यक्ष र सहयोगीलाई सम्मान गरेको अध्यक्ष बद्री तिमिल्सिनाले जानकारी दिनुभयो ।
पूर्व अध्यक्षहरू भोजराज तिमिल्सिना, ईश्वरी ओझा, भोला थापा, महेश पौडेल, नारायण सापकोटा र निर्वतमान अध्यक्ष मोतिराम तिमिल्सिनालाई सम्मान गरेको हो ।
त्यस्तै पत्रकार महासंघले सुरू गरेको कोरोना कोषमा आर्थिक सहयोग गर्ने सहयोग दातालाई पनि सम्मान गरेको अध्यक्ष तिमिल्सिनाले जानकारी दिनुभयो ।
प्रेस काउन्सिलका अध्यक्ष बालकृष्ण बस्नेतको प्रमुख आतिथ्याता भएको कार्यक्रममा जिल्ला स्थित नेपाली कांग्रेस, नेकपा माओवादी केन्द्र र नेकपा (एकीकृत समाजवादी) दल तथा तीनका पत्रकार संगठनले जिल्लाको पत्रकारिताका बारे चर्चा गरेका थिए ।
