मङ्लबार, असार १७, २०८२
काभ्रे जिल्लामा आज एकैदिन धेरै कोरोना संक्रमित थपिएका छन् ।
धेरै समयपछि काभ्रेमा आज १६ जनामा कोरोना संक्रमण भएको छ । पछिल्लो २४ घण्टामा पिसिआर र एन्टिजेन गरी २६ जना मा गरिएको परिक्षणमा १६ जनामा कोरोना पोजेटिभ देखिएको हो ।
आज थपिएका संक्रमित संगै जिल्लामा १४ हजार ८७७ जनामा कोरोना पुष्टि भइसकेको छ । त्यस्तै आज कुनैपनि कोरोनाका विरामी निको भएका छैनन् ।
हालसम्म जिल्लामा संक्रमणमुक्त हुनेको संख्या १४ हजार ६४६ पुगेको छ ।अब जिल्लामा सक्रिय संक्रमित पनि बढेका छन् ।
जिल्लामा अहिले ३८ जना कोरोनाका सक्रिय संक्रमित रहेका छन् । सबैभन्दा धेरै कोरोनाका सक्रिय विरामी बनेपा नगरपालिकामा छन् ।
बनेपामा अहिले २० जना कोरोनाका सक्रिय विरामी रहेका स्वास्थ्य कार्यालय काभ्रेले जनाएको छ । त्यसपछि धुलिखेलमा ११, नमोबुद्धमा ६ पनौती नगरपालिकामा १ जना कोरोनाका सक्रिय संक्रमित रहेका छन् ।
संक्रमितमध्ये ३६ जना होम आइसोलेशनमा छन् भने २ जनाको अस्पतालको आइसोलेशनमा उपचार भइरहेको छ ।
