विगत लामो समयदेखि काभ्रेको विभिन्न पालिकामा काम गर्दै आएको सामुदायिक सारथीले पैरवी क्षमता अभिबृद्धि तथा कार्यशाला सम्पन्न गरेको छ ।

काभ्रेको धुलिखेलमा आज भएको कार्यक्रममा जिल्लाका विभिन्न नागरिक समाज संस्थाका प्रमुख एवं प्रतिनिधिहरु सहभागि भएका सामुदायिक सारथीका काभ्रे जिल्ला संयोजक भेष बहादुर दनुवारले जानकारी दिए ।

सहभागीहरुलाई एफएचआई ३६० का भोला भट्टराईले पैरवीको विविध आयामहरुका बारे जानकारी गराएका थिए । कार्यशालामा पैरवी गर्दा ख्याल गर्नु पर्ने कुरा, पैरवी गर्दाका फाइदा, पैरवी गर्दा आइपर्ने समस्या, समाधानका उपाय, सकारात्मक परिर्वतनका विषयमा विशेष छलफल भएको थियो ।

त्यसैगरी पैरवी चक्र, पैरवीका सवाल, कार्ययोजना, विधि र प्रक्रियाका बारे सहभागिहरुलाई भट्टाराई सहजीकरण गरेका थिए । कार्यक्रममा सामुदायिक सारथीका कार्यक्रम ब्यवस्थापक अनिल खनालले नागरिक समाज संस्थाले पहरेदारी, खबरदारी र साझेदारीलाई हमेश ख्याल गर्नुपर्नेमा जोड दिएका थिए ।

गैरसरकारी संस्था महासंघका केन्द्रीय सदस्य एवं काभ्रे जिल्ला अध्यक्ष टोम सापकोटाले नागरिक समाजले आम नागरिकको सवाललाई पैरवी गर्नुपर्ने बताए ।

पैरवी निकै ठूलो विषय भएकाले पैरवी गर्ने ब्यक्ति र संस्थाले आफ्नो क्षमता अभिबृद्धिमा विशेष ध्यान दिनुपर्ने उनको भनाई थियो । सामुदायिक सारथीका अध्यक्ष कृष्णप्यारी नकर्मीले नागरिक समाज संस्था र पैरवीमा सहभागी ब्यक्तिहरु समयानुकुल प्रशिक्षित हुन आवश्यक रहेको बताइन् ।