आगामी बैशाख ३० गते हुने स्थानीय तहको निर्वाचनको सुरक्षाका लागि काभ्रेमा २३ सयभन्दा बढीले म्यादी प्रहरीको लिखित परीक्षा दिएका छन् ।

जिल्ला प्रहरी कार्यालय काभ्रेका एसपी चक्रराज जोशीका अनुसार आज भएको लिखित परीक्षामा २३ सय ३१ जना सहभागि थिए । काभ्रे जिल्लालाई १४९५ जना म्यादी प्रहरी माग गरिएको छ ।

३१७३ जनाले आवेदन भरेका थिए । लिखित परीक्षा उत्तीर्ण हुनेको नामावली २० गते प्रकाशन गरिनेछ । अन्तवार्ता २१ गतेबाट सञ्चालन गरिने जिल्ला प्रहरी कार्यालय काभ्रेले जनाएको छ ।