मङ्लबार, भदौ २, २०८३
काभ्रेकी सर्मिला लामाले कञ्चनजङ्घा हिमाल आरोहण गर्ने भएकी छन् ।
काभ्रे जिल्ला रोशी गाउँपालिका–१ भिमखोलीकी ३२ वर्षीया सर्मिला लामालाई आज संस्कृति, पर्यटन तथा नागरिक उड्डयनमन्त्री प्रेमबहादुर आलेले बिदाइ गरेका छन् ।
मन्त्रालयमा आयोजित कार्यक्रममा मन्त्री आलेले आरोही लामालाई नेपालको राष्ट्रिय झण्डा हस्तान्तरण गर्दै सफलतापूर्वक आरोहण गरेर फर्कन शुभकामना दिएका छन् । उनले आफ्नो स्वास्थ्य र भौतिक अवस्था सबै विचार गरेर आरोहण गर्न सुझाव समेत दिएका छन् ।
विगत १६ वर्षदेखि हिमाल आरोहण गर्न थालेकी लामाले विश्वका अग्ला १४ वटा हिमाल आरोहण गर्ने लक्ष्य राखेकी छन् । यसमध्ये चार वटा हिमालको सफल आरोहण गरिसकेको उनले जानकारी दिइन् । लामाले यसअघि सर्वोच्च शिखर सगरमाथाको पनि सफल आरोहण गरिसकेकी छन् ।
