काभ्रे प्रहरीले बैंकिङ कसुर मुद्दामा फरार रहेकी काभ्रेकी मिष्ठू लामालाई पक्राउ गरेको छ ।

लामालाई हिजो त्रिभुवन अन्तर्राष्ट्रिय विमान स्थलबाट पक्राउ गरिएको काभ्रे प्रहरीले जनाएको छ । चौरीदेउराली गाउँपालिका वडा नम्बर १ घर भएकी लामा कतार एयरलाइनसबाट काठमाण्डौ ओर्लन साथ पक्राउ परेकी हुन् ।

लामालाई उच्च अदालत पाटनले २०७७-०८-२९ गते बैंकिङ् कसुर मुद्दामा ४ दिन कैद सहित ४ लाख रुपैयाँ जरिवाना र पिडित राहतकोष १ लाख ६० हजार राख्नु पर्ने फैसला सुनाएको थियो ।

उच्च अदालतको फैसला कार्यन्वयनको लागि लामालाई आज जिल्ला अदालत काभ्रेमा पेश गरिएको जिल्ला प्रहरी कार्यालय काभ्रेले जनाएको छ ।