शनिबार, भदौ ६, २०८३
बैंकिङ कसूर मुद्दाका फरार अभियुक्त काभ्रेका एक जनालाई प्रहरीले महाराजगञ्जबाट पक्राउ गरेको छ ।
प्रहरीको उपत्यका अनुसन्धान कार्यालयले काभ्रेको भुम्लु गाउँपालिका ५ घर भई हाल महाराजगञ्ज बस्ने ५६ वर्षीय अनिल मोक्तानलाई पक्राउ गरेको हो ।
उच्च अदालत पाटनको विभिन्न मितिको फैसलाले बैंकिङ कसूर मुद्दामा दोषी ठहर गर्दै उनलाई ७ दिन कैद र ११ लाख पचास हजार रुपैयाँ जरिवाना सुनाएको थियो ।
उनले पीडितहरु विदुर पौडेल, प्रदीप बास्कोटा, दिपबहादुर अधिकारी र बालकृष्ण थापा मगरलाई आफ्नो खातामा पर्याप्त रकम नहुँदाहुँदै जानी जानी झुक्यानमा पारेको प्रहरीको दाबी छ ।
पक्राउ परेका उनलाई फैसला कार्यान्वयनको लागि काठमाडौं जिल्ला अदालतमा पेश गरिएको प्रहरीले जनाएको छ ।
