शनिबार, भदौ ६, २०८३
काभ्रेली पत्रकार इश्वरी ओझाले नेपाल प्रेस युनियनको केन्द्रीय अध्यक्षमा उम्मेदवारी घोषणा गर्नुभएको छ ।
हिजो प्रेस युनियन काभ्रे शाखाको अधिवेशनलाई सम्बोधन गर्दै पत्रकार ओझाले नेपाल प्रेस यूनियनको नवौ महाधिवेशनमा केन्दीय अध्यक्ष पदका लागि उम्मेदवारी घोषणा गर्नुभएको हो ।
ओझा युनियनको वर्तमान उपाध्यक्ष समेत रहनुभएको छ । प्रेस युनियनको नवौँ महाधिवेशन साउन ६ र ७ गतेका लागि तय गरिएको छ । ओझा नेपाल पत्रकार महासंघ काभ्रे शाखाको पूर्व जिल्ला अध्यक्ष पनि हुन् ।
पत्रकारितामा लामो समयदेखि सक्रिय पत्रकार ओझा पत्रकारहरुको हकहितको पक्षमा समेत आवाज उठाउँदै आइरहनुभएको छ ।
