नेपालको पर्यटन प्रबद्धन गर्नका लागी अठोट नेपालले फोटो प्रतियोगिता गर्ने भएको छ । काठमाडौमा आज पत्रकार सम्मेलन गरेर उक्त कार्यक्रमको घोषणा गरेको हो ।

कोभिड महामारीले तहस नहस पारेको पर्यटन क्षेत्रलाई पुर्नस्थापित गर्नका लागी फोटोको माध्यमबाट देशै भरीका पर्यटकिय गन्तव्यहरुलाई प्रबद्धन गर्नका लागी प्रतियोगिताको आयोजना गरेको कार्यक्रमका संयोजक देबेन्द्र बहादुर शाहीले बताए ।

शाहीका अनुसार यो प्रतियोगिता सातै प्रदेशका फोटोग्रफरहरुलाई प्रत्साहन गर्न र उनिहरुको क्षमतालाई उजागर गर्नका लागी गरीएको हो । यस प्रतियोगितामा सम्पुर्ण फोटोग्राफरहरुलाई सहभागी हुन आह्वान गरिएको छ ।

प्रतियोगिहरुले चार वटा बिधामा प्रतिस्पर्धा गर्न सक्नेछन् । जसमध्य नेचर , कल्चर, लाईफस्टाइल, र वाईल्डलाईफ रहेको छ । प्रत्येक बिधामा ५०/५० हजार नगद पुरस्कारको घोषणा गर्नुका साथै चार मध्य एक उत्कृष्ट लाई से फोक्सुन्डोको फोटोग्राफि टुर प्याकेज दिने घोषण गरेको छ ।

प्रतियोगितामा प्रत्येक प्रदेश बाट ७/७ फोटो छनौट गरी जम्मा ४९ र बाँकि चार बिधा बाट ४ गरेर जम्मा ५३ फोटोहरु लाई नेपालको पर्यटन प्रबद्धनका लागी सात प्रदेशमा प्रदर्शन गरीने संयोजक शाहीले बताए । प्रतियोगितामा सामेल हुनका लागी केही सर्तहरु समेत रहेको छ। प्रतियोगिताको सम्र्पुण जानकारी लिन र आफ्नो फोटो अपलोड गर्नका लागी www.presentingnepal.com मा गएर फोटो अपलोड गर्न मिल्लेछ ।

उक्त प्रतियोगिता भदौ ३ गते अर्थात (वल्ड फोटोग्राफि डे ) को दिन एक कार्यक्रमका बिच उत्कृष्ट घोषणा गरीनेछ । यस प्रतियोगिताको निर्णायक मण्डलमा बरिष्ठ फोटोग्राफर जगदिश तिवारी र भरत बन्धु थापा रहेका छन् । अन्य निर्णायकहरु केही दिनमा राखिने संयोजक शाहीले जानकारी दिए ।