सबैको समाचार
बुधबार, साउन २, २०८१
  • होमपेज
  • कमिशनको खेलमा बजारमा एल.पि. ग्यासको अभाव

कमिशनको खेलमा बजारमा एल.पि. ग्यासको अभाव

3875
Shares
कमिशनको खेलमा बजारमा एल.पि. ग्यासको अभाव

नेपाल आयल निगमले तराई र पहाडी जिल्लाको मूल्यमा एकरुपता ल्याउने गरी मूल्य निर्धारण गरेपछि विक्रेता उद्योगले सहुलियत रकम घटाएको भन्दै विक्रेताले आन्दोलित भएका छन् ।
ग्यास विक्रेताहरुले भने उद्योगले आफूलाई दिँदै आएको सहुलियत दर घटाएको भन्दै यहाँका ग्यास वितरण बन्द गरेपछि बजारमा ग्यासको अभाव देखिएको छ ।
निगमले गत पुस १९ गते राति १२ बजेदेखि लागू हुनेगरी ग्यासको उपभोक्ता मूल्य निर्धारण गरेको थियो । तराईका बाँके, बर्दिया, कैलाली र कञ्चनपुरमा ग्यास सिलन्डरको खुद्रा मूल्य रु एक हजार २७५ र तराईका अन्य जिल्लामा रु एक हजार ३०५ कायम गरेको छ ।
निगमको केन्द्रीय कार्यालय बबरमहलले क्षेत्रीय कार्यालय भलबारीलाई जारी गरेको एलपी ग्यासको मूल्य समायोजन बारेको सूचनामा रुपन्देहीसहित तराईका अन्य जिल्लामा रु एक हजार ३२५ बाट घटाएर रु एक हजार ३०५ कायम गरिएको छ । अन्य पहाडी जिल्लामा भने मूल्य यथावत राखिएको जनाएको छ ।
व्यवसायीले आयल निगमले उपभोत्ता मूल्य घटाएकोमा स्वागत गर्दै उद्योगले दिँदै आएको सहुलियत रकम पहिलाकै अवस्थामा नदिँदासम्म आन्दोलन नरोकिने बताएका छन् । ग्यास उद्योगले पुस १९ गतेसम्म प्रतिसिलिन्डर रु ५० सहुलियत रकम दिँदै आएकोमा रु ३२ मात्रै दिने गरी विलिङ गरेको ग्यास बिक्रेता सङ्घका जिल्ला अध्यक्ष वसन्त गौचनले बताउनुभयो ।
ग्यास उद्योगीले भने सरकारले ग्यास बिक्रेताका लागि भनेर रु ३२ मात्रै रकम छुट्टयाएकाले रु ५० दिन नसकिने बताएका छन् । रुपन्देही, कपिलबस्तु, नवलपरासी र पाल्पाका विक्रेताले यहाँका उद्योगबाट ग्यास सिलिन्डर उठाएका छैनन् । बजारमा ग्यासको अभाव हुन थालेको छ ।
सिद्धार्थ ग्यास उद्योगका व्यवस्थापक सुशील नेपालले रु ३२ भन्दा बढी रकम दिन नसकिने बताउनुभयो । सरकारले ढुवानी दर घटाए मात्रै विक्रेताको माग पुरा गर्न सम्भव नभएको उहाँको तर्क छ ।

3875
Shares

ट्रेन्डिङ