काभ्रे । शंखुपाटीचौर क्षेत्रमा नेपाल टेलिकमले अप्टिकल फाइबारमार्फत फाइबर टु होम अर्थात एफटिटिएच सेवा विस्तार गरेको छ ।

शंखुपाटीचौर सहित आसपासको क्षेत्रमा फाइबर टु होम (एफटिटिएच) सेवा विस्तार भएको हो । नेपाल टेलिकमले बनेपा कार्यलयमार्फत काभ्रेका अलावा सिन्धुपाल्चोक, दोलखा, रामेछाप र सिन्धुलीमा सेवा दिइरहेको छ ।

दुरसञ्चार कार्यालय बनेपाका प्रमुख जगदिश लेखकले केही समयमा नै बेथानचोक, बल्थली, दाप्चा, तिनपिप्ले, दोलालघाट र कुन्ता क्षेत्रमा एफटिटिएच सेवा विस्तार गर्न लागिएको जानकारी दिएका छन् ।

त्यस्तै, नेपाल टेलिकम कम्पनी बाग्मती प्रादेशिक निर्देशनालयका निर्देशक रिना डङ्गोलले स्थानीय मागका आधारमा सो क्षेत्रमा सेवा बिस्तार गरिएको बताएकी छिन् ।

कार्यक्रममा  पनौती वडा नं १० का अध्यक्ष मोहनबहादुर भण्डारी, धुलिखेल नगरपालिका वडा नं १२ का अध्यक्ष मोहनप्रसाद लामिछाने लगायतले स्थानीय क्षेत्रमा सेवा बिस्तार गरेकोमा आभार प्रकट गरे ।