आइतवार, भदौ २३, २०८१
काभ्रे :- जिल्लास्थित अरनिको राजमार्ग अविरल वर्षाका कारण धुलिखेल नगरपालिका–८ क्षेत्र पहिरो र सडक हिलाम्य हुँदा अरनिको राजमार्ग गए राती देखि एक तर्फी सन्चालनमा छ ।
ट्राफिक प्रहरीका अनुसार हिजो राती ९ बजे देखि अबरुद्ध सडक एक अहिले भने एक तर्फी सन्चालनमा आएको हो । पहिरोले र हिलाम्य सडकले गर्दा राजमार्गमा दुईतर्फी यातायात सञ्चालन गर्न नसकिएको हो ।
प्रहरी, स्थानीय निकाय र सडक विभागसँगको समन्वयमा अवरुद्ध भएको राजमार्ग खुलाउने प्रयास भइरहेको अस्थाई प्रहरी पोस्ट खावामा कार्यरत ट्राफिक प्रहरी उमेश थपलियाले जानकारी दिनु भयो ।
अरनिको राजमार्ग अन्तरगत धुलिखेल खावा सडक स्थरउनन्तीको समय सिमा सकिएको समेत ५ महिना वितिसकेको छ। गत फाल्गुन १९ मा गौरी पार्वती निर्माण सेवा प्रा लि ले सम्झौता बमोजिम पाएको समय सम्म सकिएको हो । भने गौरी पार्वतीले दैनिक ८५ हजार बराबर हर्जना तिरेर निर्माण कार्य गर्दै आएको भए पनि सडक निर्माणले भने गति लिन सकेको छैन ।
सडक निर्माणमै लापरबाही गर्नाले अरनिको राजमार्गको धुलिखेल खावा ४ किलो मिटर सडकको अवस्था दयनिय बनेको छ । यात्रुहरु भने धुलिखेल सम्म हिड्न बाध्य छन । भने गएराती देखि सवारी जाम कायम छ ।
