काठमाडौं । अमेरिकाको जर्जियाको एक हाईस्कूलमा गोली चल्दा  दुई विद्यार्थीसहित दुई शिक्षकको मृत्यु भएको छ ।

बुधबार ब्यारो काउन्टीको विन्डरको अपलाची हाई स्कूलमा भएको गोलीकाण्डमा  अन्य नौ जना घाइते भएका छन् । करिब १९ सय विद्यार्थी अध्ययनरत विद्यालयमा स्थानीय समय अनुसार बिहान करिब साढे दश बजेको समयमा गोली चलेको थियो ।

गोली चलाउने १४ वर्षीय बालक कोल्ट ग्रेलाई प्रहरी अधिकारीले नियन्त्रणमा लिएका छन् ।