सोमवार, माघ ७, २०८१
काभ्रे । काभ्रे स्थित साँगा चोकबाट ५ सय ५८ ग्राम सुनसहित २ जना पक्राउ परेका छन् ।
बनेपा नगरपालिका–१३ साँगा चोकबाट काभ्रेबाट खटिएको प्रहरीले आइतबार साँझ २ जना लाई पक्राउ गरेको हो ।
पक्राउ पर्नेहरूमा रामेछाप मन्थली नगरपालिका–१ बस्ने २९ वर्षीय अमृत श्रेष्ठ र रोशी गाउँपालिका–९ बस्ने ३८ वर्षीय बसन्त लामा रहेको प्रहरीले जनाएको छ ।
काठमाडौंबाट बनेपातर्फ जाँदै गरेको बीएबी ८६०८ नम्बरको कारलाई जाँच गर्ने क्रममा कारको सिट मुनी प्लास्टिकको झोलामा लुकाई छिपाई राखेको सुन बरामद गरिएको हो ।
घटनाबारे थप अनुसन्धानको कार्य भईरहेको प्रहरीले जनाएको छ ।
