बलिउडमा ‘क्विन’ उपमा पाएकी अभिनेत्री कंगना रनावतले आफ्नो आगामी फिल्म ‘द क्विन अफ झाँसी’को पोष्टर सार्वजनिक गरिन् । उनले यो पोष्टर बनारसको घाटमा पुगेर सार्वजनिक गरिन् ।
बाराणसीको दशाश्मेधमा रहेको घाटमा फिल्मका २० फिट लामो पोष्टर सार्वजनिक गरिएको हो । पोष्टर सार्वजनिक गरेपछि कंगनाले विश्व प्रसिद्ध गंगामा आयोजित आरतीमा पनि भाग लिइन् । कंगनाले अभिनय गरेको यो पहिलो ऐतिहासिक फिल्म हो । यो फिल्म झाँसीकी रानी लक्ष्मीबाइको जीवनमा आधारित छ । आउँदो बर्षको अपि्रल महिनाको २७ तारिख यो फिल्म रिलिज हुनेछ ।