बुधबार, असार १८, २०८२
जेष्ठ ,१६ ,एजेन्सी ; फेसबुकमा मृतकको संख्या तीब्र रुपमा बढिरहेको छ । ब्रिटेनको अक्सफोर्ड युनिभर्सिटीले एक अध्ययनमा अबको ५० वर्ष अर्थात् सन् २०७० सम्म फेसबुकमा जीवितभन्दा मृतकको प्रोफाइल बढी हुने दाबी गरेको छ।
युनिभर्सिटीले आफ्नो अध्ययनमा भनेको छ, ‘फेसबुकको वर्तमान वृद्धिका अनुसार ५० वर्षपछि फेसबुकका वर्तमान २.३ अर्ब प्रयोगकर्तामध्ये कम्तीमा १.४ अर्ब प्रयोगकर्ताको मृत्यु भइसकेको हुनेछ । यति नै बेला फेसबुकमा जीवितभन्दा मृतक बढी हुनेछन् ।’
अनुसन्धानका सह–लेखक डेविड वाटसनले भविष्यमा फेसबुकले इतिहासकारलाई यस्ता व्यक्तिको प्रोफाइल हेर्न छुट दिनुपर्ने बताएका छन् । यसो गरे इतिहासबारे सही जानकारी दिन सक्ने उनले बताए । उनले भने, ‘यस्ता प्रोफाइलको पोस्टले इतिहासकारलाई निकै मद्दत गर्न सक्छ । मानव व्यवहारको योभन्दा राम्रो आर्काइभ कतै हुन सक्दैन ।’
-रातोपाटीबाट
