बुधबार, असार १८, २०८२
बुबाको मुख हेर्ने दिनको अवसर पारेर ’आमा बुबा’ बोलको गीत सार्वजनिक गरिएको छ । जोया श्रेष्ठले लेख्नुभएको “आमा बुबा” शीर्षकको गीतमा पुष्पन प्रधानले संगीत भरेका छन् भने यसमा आवाज गौरव राई ले दिनुभएको छ ।
गीत एरेन्जको काम देवेश राईले गरेका छन् । सार्वजनिक गीतमा आमा र बुबाको महिमा वर्णन गरिएको छ । एउटा सन्तानले आफ्ना आमा बुबालाई कुन रुपमा देख्छन् र महसुस गर्छन् भन्ने भाव गीतमा गहन रुपमा प्रस्तुत गरिएको छ । आमा र बुबाको मायालाई सम्झदै गाइएको सो गीत भिज्वल स्टुडियो युट्युब च्यानलबाट सार्वजनिक भएको छ ।
