काभ्रेमा आजबाट बालबालिकाका लागि फाईजर वायोएनटेक खोपको दोस्रो डोज लगाईने भएको छ ।

स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर पुरुषोत्तम राज सेढाईका अनुसार आजबाट यस अघि फाईजर खोप लगाएका १२ देखि १७ बर्ष उमेर समुहका बालबालिकालाई दोस्रो डोज लगाईने छ ।

बिहान १० देखि दिउँसो ४ बजेसम्म खोप लगाइने छ । धुलिखेल अस्पतालमा खोप लगाउन पाईने छ ।

दोस्रो डोज लगाउन जाँदा पहिलो खोप लगाएको कार्ड साथैमा लिएर जान स्वास्थ्य कार्यालय काभ्रेका बरिष्ठ स्वास्थ्य प्रशासक डाक्टर पुरुषोत्तम राज सेढाईले आग्रह गर्नुभयो ।

काभ्रेमा हालसम्म फाईजर खोपको पहिलो डोज २ हजार ९९१ जनाले लगायतका छन् । जसमा दोस्रो डोज लगाउने ३ जना मात्रै छन् । जिल्लामा २८ गतेदेखि फाईजर खोप लगाउन सुरू गरिएको थियो ।