मङ्लबार, असार १७, २०८२
राष्ट्रपति शैक्षिक सुधार कार्यक्रममा काभ्रे ५८ वटा विद्यालयहरु छनोट भएका छन् ।
देशभरका ४ हजार १५७ सार्वजनिक विद्यालय छनोट पर्दा काभ्रेबाट पनि ५८ वटा विद्यालयहरु छनोट भएका हुन् ।
सोमबार शिक्षा, विज्ञान तथा प्रविधि मन्त्री देवेन्द्र पौडेलको अध्यक्षतामा बसेको बैठकले उक्त विद्यालहरु छनोट गरेको हो । सबैभन्दा धेरै मण्डनदेउपुरका ९ विद्यालय छनोट भएका छन् ।
बनेपा नगरपालिकाका ८ वटा, बेथानचोक गाउँपालिका भित्रका ४ वटा, धुलिखेल नगरपालिकाका ५ वटा, नमोबुद्ध नगरपालिकाका ३, भुम्लु गाउँपालिकाका २, खानीखोला र रोशी गाउँपालिका तथा पाँचखालका ३-३ छन् ।
त्यस्तै चौरीदेउराली गाउँपालिका र पनौती नगरपालिकाका ५-५ तेमालका ७ वटा विद्यालय खनोट भएका छन् । छनोट भएका विद्यालयहरुमध्ये एक ल्याब,एक बाली विज्ञान,एक कम्प्युटर विज्ञान र एक ४ कोठे भवनका लागि छनोट भएका छन् ।
बाँकी विद्यालयहरु भने भौतिक संरचनाको हिसाबले पू्र्णता भएको भन्दै आइसिटी कार्यक्रमको लागि भएका छन् ।
