शनिबार, बैशाख ८, २०८१
यही सिजन बार्सिलोनाबाट कीर्तिमानी मूल्यमा पेरिस सेन्ट जर्मेन (पिएसजी) गएका नेयमारले फेरी बार्सिलोना फर्कने संकेत देखाएका छन् । अन्तर्राष्ट्रिय सञ्चार माध्यका अनुसार उनले मेसी र स्वारेजसँग आफूलाई बार्सिलोनामा पुनः स्वागत गर्छौ ? भनी सोधेको समाचार उल्लेख गरेका छन् ।
केही समयअघि उनी स्पेन गएका बेला मेसी र स्वारेजसँग भेट गरेका थिए । उक्त भेटका बेला नेयमारले प्रश्न गरेको बताइएको छ । आफ्नो छोरा डेविड लुक्कासँगै नेयमार स्युतात एस्पोर्टिभा पुगेका थिए । नेयमारले आफ्ना पुराना साथी मेसी र स्वारेजसँग मुस्कानका साथ ‘मलाई फिर्ता लिन्छौ ?’ भने प्रश्न गरेको सञ्चार माध्यहरुले दाबी गरेका छन् ।
नेयमार दुई सय २२ मिलियन युरोमा बार्सिलोनाबाट पिएसजी गएका थिए । तर, उनी आर्थिक रुपले बार्सिलोना फर्किने सम्भावना कम भएपनि नेयमार पछिल्लो समय पिएसजीमा खुसी नभएको समाचारहरु बाहिरिन थालेका छन् । पिएसजीका अनुभवी खेलाडी काभानीसँगको मनमुटाव भइरहको समयमा प्रशिक्षक उनाइ एमिरीसँग पनि कुरा नमिलेको बताइएको छ ।
-कार्पोरेट नेपाल बाट
