धुलिखेल, २२ साउन, काभ्रेको कोशीपारी क्षेत्रमा भुम्लु गाउँपालिकामा भ्र’ष्टचार मौलाइरहेको तथ्य बाहिरीएको छ । उपाध्यक्ष कल्पना श्रेष्ठले नै पालिकाभित्र भ्र’ष्टचार भएको दाबी गर्नुभएको हो । धुलिखेलको एक होटलमा सीमित पत्रकारहरुलाई भेला गरेर उहाँले गाउँपालिकाभित्र भ्र’ष्टचार मौलारहेको र आफु भ्र’ष्टचार वि’रुद्धको अभियानमा लागेको दाबी समेत गर्नुभयो ।

उपाध्यक्ष श्रेष्ठले चालु आर्थिक वर्षका लागि ल्याइएको नीति, कार्यक्रम तथा बजेट समेत नीतिगत ढंगले नआएको बताउनुभयो । उहाँले केहि कर्मचारीको उक्साहटमा अध्यक्षले विधि र विधान मिचेको औल्याउनुभयो ।

नीतिगत र ब्यवस्थापित ढंगले काम गर्न समेत पालिका अध्यक्ष गुमानध्वज कुँवर चुकेको उपाध्यक्ष श्रेष्ठले दाबी गर्नुभयो । उपाध्यक्ष श्रेष्ठले पालिका अध्यक्षलाई बाहिरी केहि मानिसहरुले परिचालन गरेको समेत आरोप लगाउनुभयो । पालिकाभित्र भ्र’ष्टचारमा करारमा खटिएका प्राविधिकहरु लागिपरेको बताउनुभयो ।