सबैको समाचार
आइतवार, साउन ४, २०८२
  • होमपेज
  • बनेपाको शीर मेमोरियल अस्पताललाई कोभिड अस्पताल बनाउन सिफारिस

बनेपाको शीर मेमोरियल अस्पताललाई कोभिड अस्पताल बनाउन सिफारिस

9720
Shares
बनेपाको शीर मेमोरियल अस्पताललाई कोभिड अस्पताल बनाउन सिफारिस

काभ्रे, २५ साउनः काभ्रेको बनेपामा रहेको शीर मेमोरियल अस्प्तालाई कोभिड अस्पताल बनाउन सिफारिस गर्ने जिल्ला संकट ब्यवस्थापन केन्द्र (डिसीसीएमसी) ले निर्णय गरेको छ । आज बसेको डिसीसीएमसी बैठकले लेभल ३ को कोभिड अस्पतालको मान्यताका लागि स्वास्थ्य तथा जनसंख्या मन्त्रालयलाई सिफारिस गर्ने निर्णय गरेको हो ।

डिसीसीएमसी बैठकले बनेपाको जनागल स्थित संघीय प्र’हरी ईकाई कार्यालय शिल गर्ने निर्णय पनि गरेको छ । संघीय प्र’हरी ईकाई कार्यालयका ७ जना प्रहरीमा कोरोना संक्रमण देखिएपछि शिल गर्ने निर्णय गरिएको स्वास्थ्य कार्यालय काभ्रेका प्रमुख डाक्टर नरेन्द्र कुमार झाले जानकारी दिनुभयो । संक्रमित प्रहरीको सम्पर्कमा आएकाहरुका स्वाब संकलन गरी परीक्षण गरिने बताएको छ ।

बैठकले काभ्रे जिल्लाभित्रका सरकराी कार्यालयहरुमा जनस्वास्थ्य सुरक्षा मापदण्डको पालना भए नभएको समेत अनुगमन र निरीक्षण गर्ने निर्णय गरेको छ । काभ्रे जिल्लामा कोरोना संक्रमितको संख्या ४१ पुगेको छ । त्यसमा २७ जना उपचारपछि निको भएर घर फर्किएका छन् भने १४ जनाको आइसोलेसनमा राखेर उपचार भइरहेको स्वास्थ्य कार्यालय काभ्रेका प्रमुख डाक्टर झाले बताउनुभयो ।

9720
Shares

ट्रेन्डिङ